Efektivët e policisë Korçë kanë shoqëruar 14-vjeçarin Enedio Guri nga ambientet e Spitalit për në drejtorinë e policisë.

Ai mori shërbimin mjekësor pasi pësoi dëmtime gjatë konfliktit me 14-vjeçarin Erald Xhejo, ndërsa ky i fundit mbeti viktimë si pasojë e goditjes me thikë nga Guri.

Dy adoleshentët, sipas burimeve, mësohet se kishin lënë takim pasditen e sotme në një lokal në fshatin Pirg të Maliqit, me pretendimin për t’u sqaruar lidhur me konfliktin që kishin me njëri-tjetrin.

Fatkeqësisht, dy të rinjtë u përleshën, ku një prej tyre mbeti i vrarë me thikë.