Gjykata e Posaçme kundër Korrupsionit dhe Krimit të Organizuar ka lënë në qeli ish-presidentin e Republikës, Ilir Meta.
Gjyqtari Erjon Çela ka vendosur te mos ndryshoje masën e sigurisë ndaj kreut të PL, pavarësisht kërkesës së palës mbrojtëse të ish-presidentit.
Seanca e zhvilluar, e cila zgjati për rreth 1 orë u braktis përpara kohe nga avokati i Metës, Kujtim Cakrani në shenjë demonstrative kundër vendimit të GJKKO.
Sipas mbrojtjes së Metës, gjyqtari Çela nuk mori nje vendim të pavarur, por nën presionin e agjentëve të BKH-së.
Ilir Meta kërkoi të lirohej nga qelia me argumentin që tashmë nuk përbën rrezik për prishje provash, pasi hetimet ndaj tij janë mbyllur dhe dosja ka kaluar për gjykim.
Më 4 gusht, SPAK i komunikoi zyrtarisht Ilir Metës mbylljen e hetimeve dhe kalimin e dosjes në gjykatë.
Ish-presidenti akuzohet për korrupsion, pastrim parash dhe fshehje pasurie, për çështjet që kanë të bëjnë me dosjen e lobimit të LSI në SHBA dhe aferën CEZ-DIA.
Ai u arrestua më 21 Tetor 2024 dhe që prej atij momenti qëndron në paraburgim me masë “arresti në burg”.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Pesë të arrestuarit për Masakrën e 'Reçakut II' ishin pjesëtarë të MPB-së serbe
VIDEO - Zjarr në në një pikë inertesh, digjen goma, tymi i zi pushton Vlorën
VIDEO - Nuk shkonin dot të burimi i ujit/ Banorët e Dardhës në Librazhad rrëzojnë gardhin rrethues