VIDEO/ Fshati Ermenj i rrethuar nga flakët, banorët të bllokuar, kërkojnë ndihmë që të evakuohen

Gramshi është përfshirë nga zjarret, ndërsa deri më tani janë mbi 7 fshatra që janë evakuuar.

Flakët kanë dalë jashtë kontrollit në këtë zonë.

Banorë të fshatit Ermenj në ish-komunën Skënderbegas, kërkojnë ndihmë pasi, siç kanë shkruar në adresën e SYRI-t, kanë mbetur të bllokuar.

‘Jemi të bllokuar nga zjarri edhe nuk kemi mundësi të ikim. I bëjmë thirrje shtetit të dërgoj forca, pasi situata është emergjente.

Ju lutem vetëm një helikopter është dhe nuk mundet që ta shuajë zjarret në gjithë këtë sipërfaqe’, shkruan banori.