Policia e Elbasanit ka parandaluar përshkallëzimin e një konflikti të çastit mes dy personave. Është arrestuar në flagrancë një 26 vjeçar pasi ka dhunuar dhe ka kanosur me thikë një 63 vjeçar pas një konflikti të çastit.

Njoftimi i policisë Elbasan:

Elbasan/Ndërhyrja e shpejtë e Policisë parandalon përshkallëzimin e një konflikti të çastit, për motive të dobëta, ndërmjet 2 shtetasve.

Dhunoi një 63-vjeçar dhe e kanosi me mjet prerës, arrestohet në flagrancë 26-vjeçari.

Sekuestrohet mjeti prerës.

Si rezultat i ndërhyrjes së shpejtë, të kryer në kuadër të megaoperacionit “Sundimi i ligjit”, u parandalua përshkallëzimi i mëtejshëm i këtij konflikti dhe u arrestua në flagrancë shtetasi D. B., 26 vjeç, banues në Elbasan.

26-vjeçari, pas një konflikti të çastit, për motive të dobëta, me shtetasin P. S., 63 vjeç, e ka goditur atë me grushte dhe e ka kanosur me mjet prerës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.