Zbulohen detaje të reja në lidhje me grabitjen me armë të argjendarisë, ndodhur një ditë më parë në Kamëz.
Sipas burimeve për Syri TV, në grabitje kanë qenë 4 persona, gjë e cila është konstatuar pas verifikimet e kamerave edhe te bizneseve rrotull në zonë.
Policia ka arritur që të sekuestrojë kamerat ku duken qartë 3 persona të armatosur dhe të maskuar që dalin nga mjeti dhe futen brenda argjendarisë ku arritën që të grabisin mbi 500 gram bizhuteri flori.
Personi i katërt kishte rolin e shoferit dhe ky i fundit ka qëndruar në mjet deri sa kanë dalë 3 autorët nga biznesi dhe më pas janë larguar me mjetin tip BMW.
Ndërkohë policia po heton dhe po punon me zbërthimin e kamerave të tjera të sigurisë për të parë nëse ky grup kriminal është larguar drejt Fushë Krujës, apo në drejtim të Durrësit.
© SYRI.net