Gjykata e Tiranës ka caktuar masën e sigurisë ‘arrest shtëpie’ për 30 vjeçaren, Eglantina I., e cila braktisi foshnjën e saj të porsalindur në një bodrum pallati në Yzberisht.
Me kërkesë të avokatëve mbrojtës, 30-vjeçares do t'i bëhet ekspertiza psikologjike
Ndërkohë prokuroria e Tiranës kishte kërkuar masën ‘arrest me burg’.
Në fund, gjykata vendosi që ta lejë në ‘arrest shtëpie’ deri në përfundim të ekspertizave.
Në dëshminë e saj, ajo është shprehur se i dashuri e kishte braktisur, pasi kishte ngelur shtatzënë,
‘Punoj në një fabrikë këpucësh. I dashuri quhet Klodi, më ka braktisur dhe nuk është interesuar pasi mbeta shtatzënë. Më zunë dhimbjet dhe shkova te garazhi, nuk e mbaja dot sepse kisha presionin e familjarëve që nuk e pranin pasi isha e pamartuar’, ka thënë e reja.
Ndërkohë e ëma e vajzës është shprehur në gjykatë se nuk kishte dijeni se ajo ishte shtatzënë.
‘Nuk e dija që ishte shtatzënë, se kam kuptuar pasi mbante veshur rroba të gjëra’, ka thënë para gjykatës.
© SYRI.net