Në ambientet e një lokali në qendër të qytetit të Elbasanit mbrëmjen e kësaj të shtune ndodhi një sherr masiv mes disa të rinjve.
Gazetar i Syri Tv, Migen Sejdini raporton se gjatë sherrit janë përdorur mjete të mprehta, si gota dhe shishe qelqi.
Si pasojë ka mbetur i plagosur shtetasi Kei Piu.
I plagosuri Kei Piu
Ky i fundit shtetas nuk është një personazh i panjohur në Elbasan, pasi disa vite më parë i ka shpëtuar një atentati me armë zjarri në qendër të qytetit, ndaj të cilit u qëllua mbi tre herë. Piu mbeti i plagosur në vitin 2020, kur ishte 23 vjeç dhe mori 3 plumba në bark.
Sakaq, për sherrin e mbrëmjes së sotme nuk dihen ende rrethanat e ngjarjes.
Pasi ka marrë kujdes mjekësor në spital, Kei Piu është shoqëruar nga policia në komisariat për t'u marrë në pyetje.
© SYRI.net