Plagosja në zonën e ish-bllokut në Tiranë ka ndodhur pranë ambienteve të një lokali mjaft të frekuentuar.
Ngjarja u regjistrua në zonën e njohur si "Pallatet Agimi", përpara "Kafe Roma".
Nga të shtënat me armë zjarri pistoletë mbeti i plagosur nga një plumb në këmbë një person, identiteti i të cilit nuk bëhet i ditur.
Shkak për ngjarjen mësohet se ka qenë një konflikt mes disa të rinjve.
Autori i plagosjes është larguar menjëherë pas ngjarjes, ndërkohë që mësohet se skena e përplasjes është fiksuar nga kamerat e sigurisë.
© SYRI.net