Gjykata e Apelit rrëzoi për të katërtën herë kërkesën e ish- kryebashkiakut të Lushnjës, Fatos Tushe për liri.
Tushe akuzohet nga SPAK për shpërdorim detyre në disa raste. Ish-kryebashkiaku kërkoi masë më të butë me argumentin se nuk është në gjendje të mirë shëndetësore.
Për këtë ai kërkoi zbutje të masës "Arrest në burg", por kërkesa e tij u rrëzua nga Apeli si e pabazuar.
Edhe më herët ish-kreu i Bashkisë Lushnjë, i akuzuar për “Shpërdorim detyre” në dyshimin e abuzimit me fondet publike dhe detyrën, ka kërkuar ndryshim të masës, teksa para gjykatës ka mohuar akuzat, duke pretenduar pafajësi.
Nga hetimet e Prokurorisë së Posaçme, rezulton Fatos Tushe ka shpërdoruar detyrën në tre raste.
© SYRI.net