Prishtina është bërë destinacion edhe i një ngjarjeje të madhe kulturore. Kësaj here bëhet fjalë për festivalin e yllit botëror të muzikës, Dua Lipa.

Mbrëmjen e 4 gushtit mijëra adhurues të muzikës u mblodhën në Parkun Nacional të Gërmisë për të shijuar performancën e Dua Lipës dhe artistëve të ndryshëm.

Dua Lipa nisi performancën e saj para publikut në Prishtinë pas mesnatës, njofton REL. E shoqëruar nga publiku, Dua Lipa këndoi disa prej këngëve të saj dhe "New Rules" ishte një prej këngëve që ndezi më së shumti atmosferën.