Fiks 5 mijë e 812 euro ka vendosur që t’i shpenzojë për dhurata, Ministria e Punëve të Brendshme të Kosovës që drejtohet nga Xhelal Sveçla. Më këto para janë parashikuar që të blihen disa punime filigrani, aksesorë për tavolina e harta.
“Furnizim me dhurata protokollare”, kështu quhet tenderi i fundit që ka shpall Ministria e Punëve të Brendshme, që drejtohet nga Xhelal Sveçla.
Vlera e këtij tenderi kap peshën e afro 6 mijë eurove. Më këto para nuk do të bëhet ndonjë investim a po furnizim me rendësi, por do të blihen disa dhurata, shkruan Syri.net.
Në njoftimin që është bërë publik në e-prokurim është treguar se tenderi i është besuar “Shpresa Dedinja B.I”, derisa në garë kanë qenë tri kompani.
Kontrata mes ministrisë dhe palës fituese është nënshkruar më 19.05.2022.
Në dosjen e tenderit është treguar se me rreth 6 mijë euro, sa ka vlen ky tender do të blihen filigrane, harta, qilime, aksesorë për tavolinë, helmeta ilire e shqiponja.
“Harta e Kosovës Filigran me kornizë druri dimensione (26x27) Copë 10. Harta e Kosovës ne Kristal ne pllake druri, me kuti plishi me dimensione 22x17 cm copë 10. Harta e Kosovës ne kristal ne pllake druri dhe kuti plishi ngjyre te zeze me dimensione 9x12 cm Copë 10. Punim “Prishtina e vjetër” ,Prizreni, Gjakova, Mitrovica në kornizë, dimensionet 32x25cm(me material druri) Copë 6”, thuhet në këtë njoftim.
Më tej është bërë me dije se do të blihen edhe disa helmete ilire e shqipoje. “Qilim me motive kombëtare ne qelq në kornizë ose pancel, dimensionet: 17x12cm materiali polimer dhe dru Copë 4. Aksesorë për tavolina zyrash, pamjet Prishtina, Prizreni, Mitrovica, në shtafellaj, dimensionet 15x17cm Copë 10. Hyjnesha ne fron grafike- lloji materialit letër me korniz druri Copë 10. Hyjnesha ne fron ne traventin -materiali ( guri traventin dhe polimer me baze druri) Copë 10. Nena Tereza ne traventin -materiali ( guri traventin dhe polimer me baze druri) copë 10. Helmet Ilire rielef ne panel Dimensione 12.5 x9x3 copë 10. Punimi i Shqiponjës ne filigran 26x27 cm-materiali punimi me filigran me argjend dhe kornizë druri cope 10”. /Syri.net/.
© SYRI.net