Kryeministri i Republikës së Kosovës, Albin Kurti, mirëpriti ambasadorin Wolfgang Petritsch, President i Fondacionit Austriak të Planit Marshall. Petritsch ka qënë ish- I dërguari i posaçëm i Bashkimit Evropian për Kosovë në vitet 1998-‘99 dhe kryenegociator i Bashkimit Evropian në Konferencën e Ramboille, njofton RTK.
Ambasadori Petritsch dhe kryeministri Kurti diskutuan për proceset dhe zhvillimet politike në rajon dhe në Kosovë.
Ndër të tjera, u shkëmbyen mendime për takimin e 15 qershorit në Bruksel për dialogun e ri ndërmjet Kosovës e Serbisë dhe propozimet e kryeministrit Kurti. U diskutua edhe për rëndësinë e bashkëpunimit dhe koordinimit në mes Bashkimit Evropian dhe Shteteve të Bashkuara të Amerikës për një proces që garanton njohjen reciproke në mes Kosovës dhe Serbisë.
Kryeministri ritheksoi se takimi ishte takim për dialogun e ardhshëm, i cili duhet të jetë i qartë e parimor dhe dialog për statusin e marrëdhënieve ndërmjet dy shteteve.
Wolfgang Petritsch po qëndron në Kosovë për të qenë pjesë e Akademisë Diplomatike të Ministrisë së Punëve të Jashtme dhe Diasporës.
© SYRI.net
E rëndë në Kosovë / Dhëndri tenton të vrasë vjehrrin jashtë gjykatës, policia jep detajet
Rreth 22 miliardë euro llogariten dëmet materiale nga lufta në Kosovë
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Denonco
Merrni lajmet më të fundit nga SYRI.net në çdo moment dhe kudo që të jeni!
