Kryeministri në detyrë i Kosovës, Avdullah Hoti dhe Ministrja në detyrë e Kulturës,  Vlora Dumoshi, kanë marrë pjesë në inaugurimin e stadiumit të klubit të futbollit “2 Korriku”, në Prishtinë.

Hoti me këtë rast tha se shumë projekte që janë nisur kohë më parë janë përfunduar falë punës dhe angazhimit të Qeverisë së udhëhequr nga ai.

Madje, ai e krahasoi edhe LDK-në me ekipin e tij të parapëlqyer, Liverpulin. Ai tha se ndonëse klubi anglez kohët e fundit nuk po tregonte rezultate të mira, është ekip që ekziston prej një shekulli dhe ka themele të forta.