VIDEO/ Fisnik Asllani shkëlqen në Gjermani, supergol ndaj Hamburgut

Sulmuesi i Kosovës, Fisnik Asllani, ka vazhduar formën e tij të jashtëzakonshme në Bundesliga, duke shënuar një gol spektakolar në ndeshjen e Hoffenheimit ndaj Hamburgut.

Në sfidën e javës së 31-të të kampionatit gjerman, Asllani ishte vendimtar që në pjesën e parë, kur realizoi për 1-0 në minutën e 19-të me një volej perfekt, pas një asistimi të saktë nga Vladimir Coufal.

Goditja e tij e pastër nuk i la asnjë shans portierit kundërshtar.

Ky gol i dha epërsinë Hoffenheimit në një ndeshje të vështirë në transfertë, ndërsa sulmuesi kosovar konfirmoi edhe një herë rëndësinë e tij në repartin ofensiv të skuadrës gjermane.

0-1 Hoffenheim.

FISNIK ASLLANI PUTS IT IN THE BOTTOM LEFT CORNER AFTER A GREAT CROSS FROM COUFAL! HUGE MOMENT FOR HOFFENHEIM!pic.twitter.com/tdmMHMWvH2

— 1337x (@1337xh0x) April 25, 2026

Me këtë realizim, Asllani arrin kuotën e 10 golave në Bundesliga këtë sezon, duke shtuar edhe 6 asistime, statistika që e rendisin mes lojtarëve më produktivë të ekipit të tij.

Forma e tij në rritje po tërheq gjithnjë e më shumë vëmendje, ndërsa paraqitjet e rregullta dhe efektive e kanë kthyer në një nga emrat më të spikatur të Hoffenheimit këtë sezon.

Nëse vazhdon me këtë ritëm, Asllani pritet të jetë një nga figurat kyçe jo vetëm për klubin e tij, por edhe për përfaqësuesen e Kosovës në ndeshjet e ardhshme ndërkombëtare.