Zbuloni sa mijë euro përfiton Drita nga barazimi me KuPS në Ligën e Konferencës

Drita siguroi një pikë në transfertë kundër KuPS-it, në ndeshjen debutuese në Ligën e Konferencës.

Krahas pikës së fituar, Drita, në Kosovë do të kthehet me 133 mijë euro.

Pra barazimi në fazën e ligës në Ligën e Konferencës vlen 133 mijë euro, kurse fitorja vlen 400 mijë euro.

Drita në fazën e ligës, do t’i zhvillojë edhe pesë ndeshje tjera.

Me paraqitjen në Ligën e Konferencës, Drita i kishte të garantuara 3 milionë e 170 mijë euro nga UEFA, ndërkohë që ky bilanc pritet të rritet ndjeshëm në rast rezultatesh pozitive.