Vjen nga një familje e pasur dhe fisnike - Kush është e reja e Donald Trump, që erdhi bashkë me djalin e tij në Bosnje

Donald Trump Jr., djali i presidentit aktual të SHBA-së, Donald Trump, ka mbërritur në Banja Luka i shoqëruar nga e fejuara e tij, Bettina Anderson. Çifti u pa duke hyrë në Banski Dvor, ku mori vëmendjen e mediave dhe fotografëve.

Të veshur në harmoni, ata zgjodhën nuanca të njëjta blu. Anderson u shfaq me një fustan blu të errët me mëngë të shkurtra, ndërsa Trump Jr. kishte veshur një kostum në të njëjtën ngjyrë, të kombinuar me këmishë të bardhë dhe kravatë blu të çelët.

Çifti konfirmoi fejesën në dhjetor të vitit të kaluar gjatë një eventi në Shtëpia e Bardhë, ndërsa lidhja e tyre daton nga mesi i vitit 2024. Sipas raportimeve mediatike, marrëdhënia po zhvillohet me ritme të shpejta dhe shihet si serioze.

Kush është Bettina Anderson

Anderson, 39 vjeçe, vjen nga një familje e pasur dhe me ndikim. Babai i saj, Harry Loy Anderson Jr., ishte një bankier i njohur, ndërsa nëna, Inger Anderson, njihet për angazhimin në kauza humanitare.

Ajo ka studiuar në Columbia University dhe është diplomuar në histori arti. Përveç angazhimeve si modele dhe figurë publike, ajo është aktive edhe në fushën e filantropisë.

Së bashku me familjen, ajo ka themeluar organizatën Paradise.ngo, e cila ofron ndihmë për komunitetet në raste fatkeqësish dhe mbështet projekte për mbrojtjen e mjedisit.

Në fokus të mediave

Trump Jr. dhe Anderson janë parë së bashku në disa evente të rëndësishme, përfshirë edhe FIFA Club World Cup, ku morën pjesë së bashku me presidentin Donald Trump dhe Melania Trump.

Para kësaj lidhjeje, Trump Jr. ishte i martuar me Vanessa Trump, me të cilën ka pesë fëmijë, dhe më pas kishte një lidhje me Kimberly Guilfoyle, e cila përfundoi në vitin 2024.

Ndërkohë, Anderson ka qenë më e rezervuar për jetën e saj private, deri në momentin kur lidhja me Trump Jr. e vendosi në qendër të vëmendjes publike.

View this post on Instagram

A post shared by Bettina Anderson (@bettina_anderson)