Muzikanti dhe aktori britanik, Martin Kemp, ka ndarë një foto personale me Princeshën Kate që nuk e kemi parë kurrë më parë.

Pas diagnostifikimit të saj me kancer, Kemp dërgoi në mediat sociale mesazhin e tij. Fotoja, e realizuar vitin e kaluar, tregonte një princeshë të buzëqeshur me katër anëtarët e familjes Kemp: Martinin, gruan e tij Shirley, vajzën e tyre Harley Moon dhe djalin, radio DJ Roman.

“Duke dërguar kaq shumë dashuri për Princeshën e Uellsit dhe gjithë familjen e saj”, ka shkruar ai në mbishkrimin e postimit.

Fotoja është bërë jashtë shtëpisë së Martin dhe Shirley në Hertfordshire, ku Princesha Kate xhiroi një film të shkurtër me djalin e tyre Roman duke diskutuar mbi fushatën ‘Shaping Us’ për rëndësinë e viteve të hershme në formimin e moshës madhore.