Një xhaketë ikonike prej lëkure e veshur nga Michael Jackson në vitet 1980 është blerë për 250000 paund  ose 306000 dollarë. Veshja bardh e zi, e veshur nga këngëtari e ndjerë në një reklamë të Pepsit, pritej të shitej nga 200000 deri në 400000 paund në ankand.

Artikull ishte në mesin e më shumë se 200 pjesëve të relikeve muzikore të shitura në Londër të premten, duke përfshirë një xhaketë të George Michael dhe një model flokësh të Amy Winehouse.

Sende të lidhura me David BoWie, Oasis dhe “The Beatles” gjithashtu përfunduan në çekiçin e ankandit.

Jackson e veshi xhaketën në vitin 1984, në të parën e një serie reklamash që superylli bëri për kompaninë e pijeve joalkoolike.

Këto reklama mbahen mend kryesisht për një incident ku flokët e Jackson morën flakë gjatë një seance xhirimesh, duke i shkaktuar djegie të rënda. Në atë kohë ai kishte një xhaketë tjetër.

Ylli Michael e veshi xhaketën e tij La Rocka teksa bënte një duet me këngëtaren amerikane Aretha Franklin në “I KneW You Were Waiting (For Me)”.  Ajo u shit për 93750 paund (ose 115,000 dollarë).

Kjo ishte dukshëm më shumë se çmimi fillestar  midis 30000 dhe 60000 paundësh.

Artikuj të tjerë të paraqitur përfshinin ato të lidhura me Elvis Presley, Queen dhe Johnny Marr.

Një kitarë Gibson që i përkiste Angus Young të AC/DC mbeti e pashitur, ashtu si edhe një jukebox, prodhim i kufizuar i Yelloë Submarine Beatles.

Mark Hochman, drejtor i muzikës dhe posterave në Propstore shpjegoi përpara ankandit se kjo ishte hera e parë që shumë nga artikujt ishin nxjerrë në shitje për publikun.

Kujtime që i përkasin Jackson-it janë shitur më parë për mijëra, duke përfshirë një kapelë të zezë Fedora që ai kishte vënnë pak para se të bënte kërcimin e tij të famshëm në shëtitje në hënë për herë të parë në 1983.

Kapelja u shit në një ankand në Paris në shtator për 77640 paund ose (67088 euro)./ar.sh/SYRI.NET

​