Nuk ka dalje të Rihannës në publik që të mos tërheqe vëmendjen. Së fundi, këngëtarja 35 vjecare bëri kokat të kthehen me stilin elegant teksa shkonte për të darkuar në një restorant në New York City.

Artistja, që në muajin gusht u bë nënë për herë të dytë, mbante një pallto të bukur gri me rrip në mes Dries Van Noten, e gjatë deri në fund të këmbëve, ndërsa poshte kishte veshur Pantalegging të zeza me shkëlqim Balenciaga.

Këngëtarja e Diamonds e kompletoi look-n e saj me një cantë lëkure të kuqe të errët, me ngjyrën e së cilës përshtateshin dhe thonjtë e saj në të kuqe të ndezur.

Rihanna dhe A$AP Rocky vendosën t`i vënë një emër të pazakontë djalit të tyre të dytë, duke e quajtur atë Riot Rose Mayers.

Çifti zgjodhi të vazhdonte me traditën e tyre duke zgjedhur një tjetër emër që nis me “R”, pasi djali i tyre i parë quhet RZA Athelston Mayers.