Kohët e fundit gjendja shëndetësore e Celine Dion i ka shqetësuar të gjithë, por janë përhapur edhe thashetheme të pavërteta, sipas të cilave ylli është në karrige me rrota ose po lufton me kancerin.

Ka qenë motra e saj Claudette ajo që ka mohuar thashethemet me deklaratat e saj dhe ka folur për shqetësimin dhe trishtimin e saj nga mënyra se si po trajtohen fjalët e saj nga mediat.

“Pse thonë se është në karrige me rrota? Pse thonë se ajo kishte kancer? Pse nuk po i largoni të gjitha këto nga mendja juaj? Nuk është kështu”, tha ajo.

“Ajo nuk është aspak në depresion, përkundrazi, është shumë e lumtur që është gjallë dhe thotë: ‘Do ta kalojmë këtë. Çdo gjë që më kërkojnë mjekët do t’i bëj, sepse dua të kthehem, kjo është e sigurt’.