“Ai është plak dhe të keqtrajton. Eja me mua. Unë nuk të njoh më, dhe nuk të shoh më siç ishe më parë. Ti më dukesh si një person tjetër. Nuk ke mundur të krijosh një mur me një person që të vuri nën presion,-kështu u shpreh Genti babai i shqiptares Heidi Baci në “Grande Fratello” kur hyri në program për t` bërë të bijës “një dush të ftohtë” e për ta marrë me vete.

Italiani për të cilin ai fliste, 47 vjecari Massimiliano Varrese duket se nuk ka ndërmend ta lërë me kaq. Një mik i tij ka treguar se ai do ta hedhë në gjyq babain e Heidit, për prishje imazhi, pasi në “Grande Fratello” ai u shpreh se Massimiliano ishte shumë i madh për vajzën e tij, madje edhe e akuzoi se e kishte keqtrajtuar.

Heidi u bë pjesë e “Grande Fratello” këtë sezon dhe e la në mes garën me kërkesë të babait të saj.

Brenda shtëpisë ajo u njoh me Varresen, dhe filloi të krijonte raport intim me të por nuk i ka pëlqyer të atit, i cili i kërkoi të bijës që ta linte menjëherë shtëpinë.