Dokumentari "Beckham", ndër të tjera, u ndal edhe te aludimet se David Beckham pati një marrëdhënie jashtëmartesore.

Akuzat për tradhti nisën në vitin 2004 pasi David shkoi nga Manchester United në Angli te Real Madrid në Spanjë. Rebecca Loos, ish-modele holandeze dhe ish-asistentja e Beckham, pretendoi se pati një lidhje katërmujore me futbollistin.

"Disa nga komentet këtu janë të neveritshme!!! Qëndro e fortë. Ti ke një jetë të bukur me familjen tënde të mrekullueshme, e cila ndryshe nga disa të tjerë, nuk i duhet të mbushë boshllëqet duke përfshirë Netflixin,” i komentoi dikush Rebecca-s.

“Po i pranoj komentet e neveritshme me aq humor sa të mundem,” u përgjigj ajo.

Victoria dhe David nuk e kanë pohuar kurrë se tradhtia ishte e vërtetë. Në dokumentar, ata nuk e përmendin emrin e Rebecca-s si gruan përgjegjëse për një nga momentet më të vështira të jetës së tyre.