Numërimi mbrapsht për Festivalin e Këngës në Radio Televizionin Shqiptar ka nisur tanimë. Deri tani janë mësuar emrat e prezantuesve, Almeda Abazi dhe Xhani Shqerra.

Sakaq, sot "Kryefjala.com" ka zbuluar se skenarist i këtij viti do të jetë Enkel Demi. Po e njëjta media raporton për disa emra pjesëmarrës.

E para që përflitet është Vesa Luma që do të vijë me një bashkëpunim me bashkëshortin e saj, reperin Big Basta. Ndërsa disa të tjerë që përfliten se do të jenë pjesë e kompeticionit, janë  Ardit Çuni, Vesa Smolica, Blerina Braka, Erma Mici dhe Luiz Ejlli.

Fituesi i çmimit do të përfaqësojë Shqipërinë në Eurovision.