Aktorja e njohur Jennifer Aniston cilësohet si një ndër femrat më tërheqëse të hollywood-it.

Gjatë një interviste të zhvilluar së fundmi, ajo ka rrëfyer sekretet e saj për të qëndruar në formën perfekte trupore.

Sipas saj janë katër rregulla kryesore duke përfshirë këtu, pirjen e ujit, stërvitjen e përditshme, ngrënien e ushqimeve të freskëta dhe gjumin e mjaftueshëm.

“Unë pi shumë ujë, bëj strëvitje çdo ditë, përpiqem të konsumoj ushqime të freskëta dhe të fle sa më shumë që të mundem”- tha aktorja.

54-vjeçarja gjithashtu përmendi edhe nevojën për të qëndruar larg stresit dhe për të shmangur konsumimin e tepërt të lajmeve.

“Ndonjëherë mendoj se është e domosdoshme që të qëndrojmë larg zhurmës dhe stresit”, u shpreh ajo.