Kjo tendencë duket se ka marrë “vulën” e konfirmimit nga Java e Modës në New York dhe vit pas viti modelet e thonjve të frymëzuar nga çaji, qumështi apo ushqimet janë ato që po përzgjidhen nga personazhet e famshëm të showbiz-it.
Jennifer Lopez ishte ulur në radhën e parë të të ftuarve VIP në javën e modës në New York, pranë legjendës së stilit Anna Wintour dhe bashkë me protagonizmin solli me vete edhe thonjtë e gjatë, ovalë në nuancën që në gjuhën e trendeve të manikyrit njihet si “chai latte” ose një miks mes kremit dhe bezhës.
Manikyri ishte një super gjetje që kombinohej me veshjen e divës: një xhaketë oversize kamoshi, me mëngë të gjera, thekë, një varëse diamanti dhe unazë gjigante me gurë të çmuar dhe në formë trëndafili.
Sytë e kureshtarëve mbetën tek thonjtë me nuancën e veçantë. Pjesa më e veçantë? Thonjtë e Lopez ju mund t’i rikrijoni në shtëpi.
Hapi i parë: Pastroni manikyrin e vjetër
Hapi i dytë: Përdorni pak vaj për të zbutur kutikulat
Hapi i tretë: Zgjidhni një manikyr në nuancën Chai Latte ose përzieni një manikyr të zi me një bezhë dhe aplikoni tri shtresa mbi thonj për efekt maksimal.
© SYRI.net