Avokatët për pasurinë e Jackson do të përpiqen të bindin gjykatën e Apelit që të ndryshojë kursin.

Një gjykatë apeli në Kaliforni do të shqyrtojë rikthimin e padive të rrëzuara të dy burrave që pretendojnë se Michael Jackson i ka abuzuar seksualisht kur ishin fëmijë për vite me rradhë, një lëvizje që gjykata duket se ka gjasa ta bëjë pas një vendimi paraprak që do të urdhëronte kthimin e çështjeve në një gjykatë më të ulët për gjykim.

Paditë u ngritën pas vdekjes së Jackson në vitin 2009, nga Wade Robson në 2013 dhe James Safechuck një vit më pas.

Dy burrat u bënë më të njohur për rrëfimin e historive të tyre në dokumentarin HBO të vitit 2019, Leaving Neverland.

Të dy paditën MJJ Productions Inc. dhe MJJ Ventures Inc., dy korporata për të cilat Jackson ishte pronari i vetëm dhe aksioneri i vetëm.
Robson, tani një koreograf 40-vjeçar, u takua me Jackson kur ai ishte 5 vjeç. Ai vazhdoi të shfaqej në videoklipet muzikore të Jackson dhe të regjistronte muzikë në markën e tij.

Padia e tij pretendonte se Jackson e ngacmoi atë gjatë një periudhe shtatëvjeçare.

Kurse Safechuck, tani 45 vjeç, tha se ai u takua me Jackson gjatë xhirimit të një reklame Pepsi kur ai ishte 9 vjeç. Ai tha se Jackson e telefononte shpesh dhe e mbushte me dhurata përpara se të kalonte në një sërë incidentesh të abuzimit seksual.

Në vitin 2021, gjyqtari i Gjykatës së Lartë Mark A. Young vendosi se dy korporatat dhe punonjësit e tyre nuk kishin asnjë detyrë ligjore për të mbrojtur Robson dhe Safechuck nga Jackson dhe i hodhën poshtë paditë.

Por në një vendim paraprak muajin e kaluar, Gjykata e Apelit e Qarkut të Kalifornisë e ndryshoi atë vendim gjyqtari dhe urdhëroi që rastet të kthehen në gjyq.

Avokatët për pasurinë e Jackson do të përpiqen të bindin gjykatën e apelit që të ndryshojë kursin sot (e mërkurë 26 korrik).

Paditë tashmë janë rikthyer.

Një ligj i ri në Kaliforni që zgjeroi përkohësisht sferën e rasteve të abuzimit seksual, bëri që gjykata e apelit t'i rivendoste ato. 

Përfaqësuesi i  Jackson-it e ka mohuar me vendosmëri dhe në mënyrë të përsëritur se ai ka abuzuar me njërin nga djemtë dhe ka theksuar se Robson dëshmoi në gjyqin penal të Jackson në 2005 se ai nuk ishte abuzuar dhe Safechuck u tha të njëjtën gjë autoriteteve.