Modelja me famë botërore, Gigi Hadid, ka rënë në prangat e policisë, pasi i është gjetur një sasi marijuhane në valixhe.

Lajmin e kanë bërë të ditur mediat e huaja, sipas të cilave, Hadid po përgatitej të largohej nga Ishujt Kajman kur zyrtarët e doganës papritmas kontrolluan gjërat e saj.

Modelja 28-vjeçare po udhëtonte me shoqen e saj, Leah Nicole McCarthy, kur zyrtarët e aeroportit “skanuan” bagazhet e tyre pas mbërritjes dhe gjetën një sasi marijuane.

Ngjarja ndodhi të hënën, më 10 korrik, por u raportua më 18 korrik nga agjencia lokale Cayman Marl Road.

Sipas raportimeve, kërkimet rezultuan në zbulimin e marijuanës nga autoritetet.

Hadid dhe McCarthy u arrestuan me dyshimin për importimin e kanabisit dhe mjeteve të drogës.

Të dyja vajzat u liruan me kusht.

Modelet u paraqitën në Gjykatën e Përmbledhjes më 12 korrik dhe u deklaruan fajtore. Të dyja u gjobitën me 1000 dollarë dhe iu shmangën dënimit.