Pas ndarjes nga jeta të ish-kryeministrit italian, Silvio Berlusconi, është vendosur edhe sesi do të ndahet pasuria e tij.

Sipas mediave të huaja, trashëgimia e Berlusconi-t do të ndahet mes pesë fëmijëve të tij, që kanë ardhur në jetë nga dy martesa. Bëhet fjalë për një pasuri prej më shumë se 4 miliardë euro.

Pritet të zbulohet para noterit nëse gruaja e tretë Marta Fascina, e cila u martua vetëm simbolikisht pa asnjë të drejtë ligjore, të marrë pjesë në ndarjen e rëndësishme të pasurisë së Berlusconit.

Tema qendrore e trashëgimisë është ndarja e aksioneve të kompanive, të cilat gjithashtu luajnë një rol shumë të rëndësishëm.