Georgina Rodriguez është personi i parë në Spanjë dhe një nga njerëzit e parë në botë që zotëron SUV-in e ri Smart #1.

Pavarësisht koleksionit të makinave luksoze të Georgina-s dhe partnerit Cristiano Ronaldo, makina Smart #1 e re kushton 47 mijë euro.

29-vjeçarja e tregoi makinën në serialin e saj në Netflix “I am Georgina”. Në episodin e pestë të serisë së dytë të dokumentarit të saj, Georgina lejon një nga shoqet e saj ta ngasë.

Por ato fillimisht kanë probleme me ndezjen e makinës pasi Georgina harron se e ka lënë makinën elektrike në ngarkim.

Makina e re dhe fantastike Smart e Georgina-s ka një distancë prej 273 miljesh dhe modeles i pëlqen shkathtësia dhe dizajni i saj.

Në dokumentarin e saj, Georgina u pa në makinë ndërsa ishte në Spanjë.

Por ajo aktualisht jeton në Arabinë Saudite me Ronaldo-n dhe fëmijët e tyre pas transferimit të partnerit të saj nga Manchester United në Al-Nassr gjatë dhjetorit. Megjithatë, raportimet e fundit thonë se Ronaldo është tashmë i hapur për t’u larguar nga klubi dhe Real Madrid-i është i gatshëm t’i ofrojë atij një rol ambasador në Bernabeu.