Ahmad Jamal, pianisti, kompozitori dhe ‘drejtuesi’ i rrymës së xhazit, ka vdekur në moshën 92-vjeçare. Vajza e tij, Sumayah Jamal, konfirmoi lajmin për New York Times se shkaku i vdekjes ishte kanceri i prostatës.

Duke filluar një karrierë profesionale muzikore që në moshën 14-vjeçare, gjatë shtatë dekadave Jamal bëri një tingull unik që kapërceu kufijtë e zhanrit. Minimalist, klasik, modernistë dhe pop, Ahmad ndonjëherë krahasohej me Thelonious Monk për sa i përket aftësisë së tij për të inovuar dhe influencuar muzikantë të tjerë.

I lindur Frederick Russell Jones në Pittsburgh në vitin 1930, Jamal filloi të luante muzikë në moshën tre vjeçare kur një xhaxha e sfidoi që ta kopjonte në pianon e familjes. Ai gëlltiti “grumbullime muzikore” në të gjitha zhanret e dhuruara nga tezja e tij dhe filloi të merrte trajnime formale kur ishte shtatë vjeç, më pas nisi të kompozonte në moshën 10-vjeçare. Ai e gjeti veten të tërhequr nga veprat e kompozitorëve klasikë francezë Maurice Ravel dhe Claude Debussy. Në fillim të adoleshencës ai po performonte në klube nate.

Pasi u martua, ai u vendos në Çikago në vitin 1950 dhe u konvertua në Islam nga besimi baptist i familjes së tij, duke u bërë një nga interpretuesit e parë afrikano-amerikanë që foli publikisht për besimin e tij mysliman. Duke folur për revistën Time për emrin Ahmad Jamal, ai tha: “Unë nuk kam adoptuar një emër. Është një pjesë e prejardhjes dhe trashëgimisë sime stërgjyshore. Unë kam rivendosur emrin tim origjinal. Unë jam kthyer te hardhia ime dhe te fiku”.