Andrew Tate vuan nga kanceri i mushkërive. Këtë e ka konfirmuar menaxheri i tij në rrjetet sociale, duke lënë njerëzit e shokuar. 36-vjeçari ndodhet aktualisht i burgosur në Rumani dhe i është refuzuar lirimi me kusht për të tretën herë, gjë që i ka zgjatur burgun deri në fund të marsit.

Ndërkohë, Tate ka kërkuar ndihmë mjekësore dhe një udhëtim mjekësor në Dubai për trajtimin e mushkërive. Gjykata e ka mohuar udhëtimin e tij dhe ka siguruar që Andrew Tate mund të shërohet në Rumani. Sipas raporteve, arsyeja e kancerit të mushkërive mund të nxisë administratorët ligjorë që ta lirojnë atë pas marsit.

Menaxheri i Andrew Tate shkroi:

“Ok shumë njerëz po më pyesin nëse historia e kancerit të mushkërive Tate është e vërtetë. Po është e vërtetë. Unë isha ai që udhëtonte me të në spitalet në Dubai. Nuk kam më specifika për të ndarë me ju.”

Andrew Tate’s manager confirms reports that he’s diagnosed with lung cancer pic.twitter.com/Rgu4WPuHh2

— Dexerto (@Dexerto) March 3, 2023

Sipas raportimeve të ndryshme në media, Tate vuan nga tumori i trakesë me një shtrirje në bronke dhe mushkëri, të cilin menaxheri i tij e ka etiketuar si kancer. Andrew ka folur gjithashtu për ndryshime të dukshme fizike në burgun rumun.

36-vjeçari është vërejtur shpesh duke pirë puro, e cila është një faktor i njohur rreziku për karcinomën e qelizave skuamoze të trakesë.

Më herët, Tate deklaroi se ka frikë për jetën e tij brenda burgut, pasi beson se disa persona e duan të vdekur. Ja çfarë shkruante ai në rrjetet sociale:

“Ka dy të ardhme të mundshme të universit. Një, më vrasin. Së dyti, unë dal si një nga njerëzit më të respektuar dhe më me ndikim në planet.”