Katër banorë janë këtë radhë në nominim. Armaldo, Luizi, Efi dhe Xhonatan janë banorët të cilët luftojnë përballë njëri-tjetrit për të siguruar qëndrimin në shtëpinë më të famshme në Shqipëri.

Mirëpo, banorët brenda shtëpisë e dinë që janë në nominim vetëm tre dhe nuk e dinë që në nominim është edhe Xhonatan, i cili u ndëshkua nga Vëllai i Madh, pasi theu rregullat e formatit.

Ky i fundit menjëherë sapo u fut në shtëpinë e Big Brother pak ditë më parë  u afrua me Oltën, të cilën e njihte pak nga jashtë, megjithatë biseda mes tyre u bë duke thyer rregullat. Olta dhe Xhonatani folën me kode dhe nënkuptime dhe për këtë Vëllai i Madh e ndëshkoi këtë të fundit, duke e futur automatikisht në nominim.

View this post on Instagram

A post shared by Big Brother Alb VIP Edition (@bigbrotheralb_vip)

Kjo situatë ka krijuar konfuzion brenda shtëpisë, pasi banorët nuk po e kuptojnë pse janë tre të nominuar. Një prej atyre që nuk e beson që janë tre, por janë më shumë, është Luizi i cili shprehet se në nominim duhet të jenë më shumë. Këngëtari shkodran shprehet se kjo situatë nuk ka sens dhe beson se në nominim duhet të jetë edhe një person tjetër.