Së fundmi, aktorja dhe sipërmarrësja Gwyneth Paltrow është fokusuar në markën e saj të stilit të jetesës 'Goop', përmes të ciës rekomandon produkte dhe këshilla për një mënyrë jetese të shëndetshme.
Mirëpo aktorja jo vetëm që nuk po i bind ndjekësit e saj, por shumë prej tyre shprehin dyshimet e tyre.
Dëshmi për këtë është një video e fundit që ajo ka postuar në llogarinë zyrtare në Instagram.
Në videone publikuar Paltrow shihet duke rekomanduar një dietë 7-ditore që premton detoksifikimin, i cili kushton 195 dollarë.
Ajo ka përgatitur një vakt i cili është një nga recetat e përfshirë në "G. Tox 7-Day Reset Kit" .
Por rezultati nuk ishte ajo që aktorja mund të priste, pasi postimi i saj ishte i mbushur me një mori komentesh kritike, ku shumica e tyre e akuzonin atë se shpik marrëzira për të fituar para.
“Vajzë po shpik marrëzira për të fituar para. Mëlçia juaj është përgjegjëse për pastrimin e toksinave nga trupi.Të gjitha këto marrëzira detox janë vetëm një mënyrë për të fituar para’. ‘Kjo gjë nuk ka farë të bëjë me detox-in’ janë disa nga komentet të shkruara në videon e publikuar nga aktorja.
Pas rrëmujës së krijuar në postimin e aktores mediat amerikane iu drejtuar nutricionistëve për të shprehur mendimin e shkencës në lidhje me sallatën e Paltrow.
Nutricionistja Mackenzie Caldwell foli për Page Six dhe tha se sallata e aktores ishte në rregull.
Megjithatë, mënyra se si ai e prezantoi atë ishte e gabuar.
“E gjithë ideja e detoksifikimit është një mënyrë fatkeqe që kultura dietike përpiqet t'i trembë njerëzit që të mendojnë se duhet të blejnë diçka për të hequr qafe gjërat e frikshme në trup, nuk është kështu,” tha ajo dhe shtoi:
"Për një person mesatar, mëlçia, mushkëritë, veshkat dhe lëkura juaj detoksifikojnë trupin tuaj në baza ditore, dhe praktikimi i një diete holistike (dietë e shëndetshme, ku përfshihen frutat dhe perimet) do t'i mbështesë të gjitha këto organe për të bërë atë që duhet."
© SYRI.net