Modelja dhe sipërmarrësja e njohur Chiara Ferragni ka reaguar së fundmi ndaj komenteve negative të marra këto ditë për fotografitë e saj intime dhe sqaron situatat dhe mendimet që ajo ka.

Sa herë që ylli, sulmohet për dëshirën e saj për të qenë seksi dhe për të treguar trupin e saj në rrjetet sociale Chiara Ferragni nuk mund ta ndaloj veten dhe ka replikuar për komentet e këqija dhe fyerjet që ka hasur në postimet e fundit, ku mdelja ka veshur një pale të brendshme seksi.

“A mund të jem e sinqertë? Rrallëherë mërzitem shumë nga komentet e urrejtësve” – filloi Chiara Ferragni.

“I gjej absurde, të këqija, të papërshtatshme dhe të gjitha të tjerat, por pasi kam lexuar gjërat më të këqija për mua që kur kam një identitet online dhe isha ende minorene tani pothuajse jam mësuar me to. Por vitet e para ishin shumë të vështira dhe po të mos kisha një familje e miq që më mbështesnin, nuk do të kisha qenë në gjendje të mësoja të kujdesesha për të.”

Ferragni donte të specifikonte se ndonjëherë ajo u përgjigjet drejtpërdrejt urrejtësve të pasjellshëm, sepse, sipas saj, nuk është e drejtë të normalizohen këto sjellje

 “Është e drejtë që të gjithë mund të shprehin mendimin e tyre, liria e mendimit është e shenjtë por është shumë e ndryshme të thuash se përmbajtja nuk është sipas qejfit tënd ose t’i thuash  një vajze një ku#vë”

Në fund, Chiara donte të jepte këshilla për të gjithë njerëzit që e ndjekin atë, për të mos lënë frikën e gjykimit të kufizojë zgjedhjet e tyre.

“Po të kisha dëgjuar ata që më ofenduan (dhe kishte shumë madje 16 vjet më parë) – përsëriti Chiara – do të kisha ndaluar së publikuari fotot e mia në moshën 18-vjeçare dhe nuk do të kisha arritur as një të njëqindtën e asaj që ka qenë suksesi dhe rruga ime”.