Për muaj me radhë Wanda Nara ka qenë në qendër të vëmendjes në kronikat “gossip”, duke kulmuar vetëm pak javë më parë me divorcin nga Mauro Icardi.

Por tashmë modelja argjentinase duke se po shijon disa çaste relaksi, të cilat i ka ndarë për fansat e shumtë në “Instagram”. Uanda shihet teksa po argëtohet e hipur mbi një biçikletë në brigjet e bukura të Maldiveve, si gjithnjë nuk kanë munguar pëlqimet dhe komplimentet e shumta nga fansat.

Wanda  e ftuar në “Verissimo”, ka treguar arsyet e saj pse u nda nga futbollisti.

“Kemi 5 fëmijë bashkë dhe ai është shumë i pranishëm me djemtë. Unë jam një grua e modës së vjetër dhe kujdesem për familjen, për të cilën kam lënë karrierën dhe punën. Prioriteti im ishte të shoqëroja Mauron në karrierën e tij, por kur nisëm të grindemi, nuk kishte më qetësi në shtëpi dhe mendova për qetësinë e fëmijëve, ndaj thashë ‘mjaft’,”-u shpreh modelja.