Aktorja e njohur, Hilary Duff ka bërë një reagim prekës për ish të dashurin e saj të ndjerë, Aaron Carter.

Ajo publikoi një shkrim për Aaron, duke shkruar: “Për Aaron – Më vjen thellësisht keq që jeta ishte kaq e vështirë për ty dhe që u desh të luftoje para gjithë botës. Ti kishe një sharm që ishte absolutisht i zjarrtë… djali që e bëri veten time adoleshente ta donte thellësisht. I dërgoj dashuri familjes tënde në këtë kohë. Pusho i qetë,”.

Kujtojmë se Duff dhe Carter u lidhën së bashku në vitin 2001 dhe në vitin 2003 i dhanë fund marrëdhënies së tyre.

Aaron Carter u gjet i pajetë në banesën e tij më 5 nëntor, konfirmoi përfaqësuesi i tij për E! News. Ai ishte 34 vjeç.

“Është me keqardhje të thellë të raportosh se Aaron Carter u gjet i pajetë në shtëpinë e tij në Palmdale,”- tha përfaqësuesi i muzikantit në një deklaratë.

TMZ, duke cituar burime të zbatimit të ligjit, raportoi se ishte bërë një telefonatë 9-1-1, duke vënë në dukje se një burrë ishte mbytur në banesë. Megjithatë, ndërsa detektivët e vrasjeve u dërguan sipas protokollit, nuk ka asnjë informacion apo provë për atentat. Shkaku i vdekjes së Aaronit nuk është zbuluar.

Një zëdhënës i Zyrës së Sherifit të Lancaster konfirmoi për E! se oficerët mbërritën në shtëpinë e Aaron, por nuk ofruan detaje të mëtejshme.

Aaron, i njohur më së miri për këngën e tij debutuese të vitit 1997 “Crush on You”, ka lënë pas një djalë 11 muajsh, Prince.