Marrëdhënia e Sheree Zampino me ish-burrin Will Smith dhe gruan e tij Jada Pinkett Smith mund të duket e lehtë, por nuk ka qenë gjithmonë kështu.

Ylli i ‘Real Housewives of Beverly Hills’ së fundmi tregoi se si ajo dhe aktori i ‘King Richard’ krijuan një raport të mirë për tu kujdesur për djalin e tyre, Trey Smith, pasi Will filloi të takohej me Jadën. “Kemi tre dinamika të ndryshme, tre personalitete të ndryshme dhe sisteme të ndryshme besimi, mënyra të ndryshme për të bërë gjëra,” tha Sheree gjatë një interviste në podcast ‘Behind the Velvet Rope’. “Dhe ka pasur raste kur ne jemi përplasur dhe nuk ka qenë e bukur.”

Ajo shtoi, “Por dëgjoni, ne i tejkalojmë këto situata dhe vazhdojmë. Ne bëjmë atë që duhet të bëjmë sepse përsëri, në fund të ditës, ka të bëjë me fëmijët. Ne kemi një përgjegjësi ndaj tyre.”

Sheree vuri në dukje se bashkë-prindërimi u bë më i lehtë me Will dhe Jada, të cilët kanë djalin Jaden, 24 vjeç dhe vajzën Willow, 21 vjeç, sepse të tre kishin një “respekt të ndërsjellë” për njëri-tjetrin dhe sepse Jada e ka trajtuar Trein si një nga fëmijët e saj. “Nuk ka të bëjë me mua. Ka të bëjë me të, sepse unë mendova: “Për sa kohë që ajo sillet mirë me Treyn, ne jemi mirë. Jemi mirë”. Dhe ajo e ka trajtuar mirë dhe e ka dashur atë”.

heree tregoi pse raporti i saj me Jadën është i veçantë. “Ndonjëherë nënat bëhen xheloze,” tha ajo. “Është sikur, ‘Unë po bëhem xheloze për një grua tjetër sepse ajo po e trajton siç duhet fëmijën tim?’ Çfarë?! Kjo është çmenduri. A nuk dëshiron që ajo ta trajtojë siç duhet fëmijën tënd? Mund të jetë më keq.”

Jada me siguri mund të pajtohet se lidhja e saj me Sheree ka evoluar për mirë me kalimin e kohës. Vitin e kaluar, aktorja e ‘Girls Trip’ shpjegoi se ato tani janë si motra. “Kur mendoj për marrëdhënien tonë tani, jemi si motra të vërteta, por u deshën 20 vjet për këtë,” tha Jada gjatë një episodi të shtatorit 2021 të ‘Red Table Talk’. “Ishte me të vërtetë një transformim për të gjithë ne. Të kesh një familje të përzier dhe të arrish në një vend ku kishte lehtësi dhe mirëkuptim të plotë.”

Zampino dhe Smith kanë qëndruar bashkë prej 1992 deri në 1995 dhe janë prindër të djalit të tyre 29-vjeçar, Trey Smith. Pas divorcit, Smith u njoh me Jada Pinkett Smith dhe dyshja u martuan në natën e Vitit të Ri të 1997. Ata janë prindër të Jaden Smith, 23 vjeç dhe Willow Smith, 21 vjeç.