Albërije Hadërgjonaj ka zbuluar një bisedë që ka pasur me mbesën e saj, Beatrix Ramosajn.

E ftuar në emisionin “E diell”, këngëtarja ka treguar se i kishte shkruar një këngë për historinë e saj të dashurisë, por Trixa nuk e ka lejuar ta publikojë.

“Është gocë e mençur, mesi pres, ka edhe një baladë që ia kam shkruar pas daljes së Big Brother. Po thotë se nuk dua sepse njerëzit do e personifikojnë, unë e kam shkruar si teze. E kam shkruar për atë histori. Por ajo e ndaloi rreptësisht. Më ka bërë përshtypje, një vajzë shumë e mençur. Unë i thashë, të gjithë po përfitojnë, nxirre dhe ti. E më tha, teze është momenti që njerëzit të më shohin dhe vlerësojnë për talentin që kam. Edhe për atë që kam për të dhuruar. E nuk dua të përfitoj nga askush. Dhe më ka lënë pa fjalë. është e mirë, shumë pozitive. është me të vërtetë shumë dinjitoze”, tha Albërija.