Madonna ka punuar me zell për filmin e saj biografik të shumëpritur që po shkruan. Mbretëresha e popit nuk e ka parë procesin të jetë i thjeshtë dhe duket sikur e ka të vështirë ta bëjë atë siç duhet.

Aktorja Julia Garner thuhet se është duke u diskutuar për të luajtur vetë këngëtaren në biografinë muzikore të vetë-shkruar dhe të drejtuar nga Madonna.

“Kam një skenar shumë të gjatë që është vërtet e vështirë për mua ta bëj më të shkurtër”, tha Madonna së fundmi për Variety. “Unë e kam shkurtuar atë, por kjo gjë është si të pres gjymtyrët e mia.”

Këngëtarja shtoi se për shkak të nivelit të saj të famës, ka presion. “Kam pasur një jetë të jashtëzakonshme, duhet të bëj një film të jashtëzakonshëm”, tha ajo.

“Ishte gjithashtu një ‘luftë’ sepse shumë njerëz po përpiqeshin të bënin filma për mua. Kryesisht burra mizogjenë. Kështu që e vendosa me plot bindje dhe thashë: “Askush nuk do të tregojë historinë time, por vetëm unë!”

Ajo më parë tha për  ‘Associated Press’ se procesi i xhirimit kishte qenë “mjaft i çmendur deri më tani”.

“Unë jam vetëm në procesin e shkrimit dhe thjesht vendos se cilat histori të tregoj, në sa detaje të futem, cilët personazhe të zhvilloj,” shpjegoi ajo. “Ka qenë me të vërtetë një proces i gjatë dhe i mundimshëm, por ka qenë gjithashtu vërtet terapeutik.”

Filmi do të gjurmojë vitet e hershme të yllit të “Evita” dhe ngjitjen në famë si ylli më i madh i popit në botë.

Aktorja Julia Fox thuhet gjithashtu se është në negociata për të luajtur shoqen e saj të përjetshme Debi Mazar. Kandidatët e tjerë për rolin e Madonës përfshinin Florence Pugh, Alexa Demie, Odessa Young, Bebe Rexha dhe Sky Ferreira .