Shumë pak dimë për jetën personale të Noizy-t. Ai rrëfeu në "Wake up" se nuk është në një marrëdhënie romantike dhe zbuloi arsyen.

Reperi tha se nuk ka kohë pasi merret me muzikën, bizneset dhe koncertet jashtë.

Ai u shpreh se dëshiron që vajzës me të cilën do të lidhet t'i kushtojë kohën e duhur.

“Personit që do kem në krah dua t'i kushtoj kohë, vëmendje, dashuri. Tani nuk e kam luksin t’i jap kohën, se këto kohë, vetëm tre ditë jam në Shqipëri dhe s'di çfarë të bëj më përpara, të shkoj në studio të mbaroj projektet e rradhës, të jem me familjen se jam bërë jabanxhi në shtëpi, të takoj shoqërinë apo të merrem me bizneset. Pjesa tjetër e javës më kalon jashtë shtetit me koncerte. Nuk di çfarë të bëj më parë. Nuk e kam kohën që duhet t’i kushtoj dikujt”.