Ditën e sotme të gjitha rrjetet sociale ishin të mbushur me organizime të shumta sa i përket festës së pavarësisë dhe i gjithë rrjeti ishte i ‘veshur’ kuq e zi.

Kësaj vale urimesh e festimesh iu bashkuan edhe një numër shumë i madh i të famshmëve.

Disa publikuan këngë e të tjerë të paktën një fotografi me veshje apo simbole me motive patriotike.

Por në mesin e atyre që këtë ditë e kaluan normal si çdo ditë tjetër ishte Tuna Sejdiu.

Artistja nga Shkupi nuk bëri ndonjë urim madje ka ironizuar me të famshmit dhe kolegët e saj.

“Ma shumë jeni lodhë tuj urue se na tuj luftue – Isë Boletini”, ka shkruar Tuna sipër një fotografie të atdhetarit të madh nga Kosova, Isa Boletini.