Fustani që veshi këngëtarja Amy Winehouse në performancën e saj të fundit në Beograd do të shitet në ankand.
Pritet që ky mini fustan të arrijë çmimin prej 14,500 paund, shkruan "Nova.rs" .
Amy Winehouse veshi fustanin e përmendur në koncertin e saj të fundit në jetën e saj, të cilin e mbajti në Beograd.
Kjo shfaqje e artistes së famshme mbahet mend si një fiasko e vërtetë, duke marrë parasysh që ajo doli në skenë në një gjendje dukshëm të dehur.
Ajo ndërroi jetë një muaj më vonë në moshën 28 -vjeçare, si pasojë e helmimit nga alkooli.
Të gjitha të ardhurat nga shitja e sendeve të saj personale do të shkojnë në fondacionin e themeluar nga prindërit e saj, në kujtim të vajzës së tyre të vdekur para kohe, të gjitha me qëllimin për të ndihmuar të rinjtë që po luftojnë me varësinë, raporton "The Sun".
© SYRI.net