Elon Musk, një nga njerëzit më të pasur në botë, tha në emisionin televiziv amerikan "Saturday Night Live" se ai ka Sindromën Asperger.
Në fjalën e tij hyrëse, ai u tha shikuesve se ai është personi i parë me Sindromën Asperger që drejton këtë shfaqje, por kjo nuk është e vërtetë.
Gjegjësisht, aktori kanadez Dan Aykroyd ishte mysafiri i parë i emisionit me këtë sindrom në 2003, dhe me atë rast ai foli hapur për sindromën, shkruan American Daily Beast.
Sindroma e Asperger është një gjendje nga spektri i autizmit, i cili shoqërohet me vështirësi sociale.
Disa ekspertë sugjerojnë punësimin e njerëzve me këtë sindromë sepse ata mund të arrijnë sukses në teknologji, sipërmarrje dhe punë të tjera që kërkojnë aftësi analitike.
Revista e biznesit Forbes vlerësoi pasurinë e Musk në 166 miliardë dollarë.
Ai e bëri pjesën më të madhe të pasurisë së tij nga bashkëpronësia e Tesla dhe pronësia e plotë e SpaceX.
Ai nuk është miliarderi i parë që udhëheq emisionin "Saturday Night Live".
Ai u parapri në këtë rol nga ish Presidenti dhe biznesmeni amerikan Donald Trump, ylli i televizionit Oprah Winfrey dhe basketbollisti Michael Jordan.
© SYRI.net