Në mënyrë të papritur pas 34 vitesh do të rikthehet filmi i njohur ‘Top Gun’ me protagonist Tom Cruise.
Filmi i vitit 1986, që i dha famën aktorit, duke e kthyer në një yll holluvidian, do të rikthehet në ekranet e kinemave në vitin 2020.
Në fakt ribërja e tij ka qenë një surprizë për të gjithë.
Teksa po zhvillohej edicioni i 50 i ‘Comic-Con Festival’, 57-vjeçari shfaqi trailerin e tij, xhirimet e së cilit janë bërë në fshehtësi të plotë.
Asgjë nuk ka ndryshuar.
Crusie do të jetë sërish piloti kokëfortë, adhurues i rrezikut dhe motorit.
Ai do të stërvisë djalin e Goose, rol që vjen nga filmi i parë, për të qenë një pilot i suksesshëm si babi i tij.
Filmi pritet të këtë suksesin e atij të mëparshëm, i cili arriti të mbledhë mbi 350 milion dollarë në mbarë botën.
‘Top Gun Maverick’ do të dalë në sallat e kinemave në Qershor e vitit 2020.
© SYRI.net