Kongo raporton 2,011 raste të Ebolës, numri i vdekjeve shkon në 754

Sipas të dhënave të Ministrisë së Shëndetësisë së Kongos, të publikuara gjatë natës, deri tani kanë humbur jetën 754 persona.

Autoritetet vendase e përshkruajnë këtë si epideminë me përhapjen më të shpejtë deri më tani.

Në total, 753 persona vijojnë të jenë në izolim ose nën trajtim spitalor, ndërsa 366 persona janë shëruar deri tani.

Gjurmimi i kontakteve mbetet ende një sfidë e madhe, pasi deri më tani është përfshirë në monitorim vetëm 67% e personave që kanë qenë të ekspozuar ndaj virusit.