Të paktën 14 fëmijë u vranë kur çatia e një qendre mësimore në ndërtim e sipër në qytetin lindor pakistanez të Lahores u shemb, thanë policia dhe shërbimet e shpëtimit.

Tetë fëmijë të tjerë u plagosën dhe u dërguan në spital. Pronari i qendrës së mësimdhënies dhe një person tjetër u arrestuan.

Policia tha se ekipet e shpëtimit po vazhdonin kërkimin në rrënoja, pasi morën informacion se më shumë fëmijë mund të jenë të bllokuar nën rrënojat e ndërtesës. Qendra ndodhej në një ndërtesë të vjetër dhe çatia e katit të dytë të papërfunduar me sa duket është shembur për shkak të cilësisë së dobët të ndërtimit.

Shembjet e ndërtesave janë të zakonshme në Pakistan , ku standardet e ndërtimit shpesh nuk zbatohen siç duhet. Shumë ndërtesa janë ndërtuar me materiale me cilësi të dobët dhe rregulloret e sigurisë shpesh injorohen me qëllim uljen e kostove.