Të paktën 188 persona kanë humbur jetën dhe më shumë se 1,500 të tjerë janë plagosur pas tërmeteve të fuqishme të njëpasnjëshme në Venezuelë, sipas raporteve të fundit nga BBC.

Ekipet e shpëtimit po kërkojnë në rrënojat në Karakas dhe në shtetin e La Guaira, ku OKB-ja thotë se më shumë se 100 ndërtesa janë shembur.

Tërmetet, me magnitudë 7.2 dhe 7.5 ballë, ndodhën me një minutë diferencë. I dyti ishte më i forti që ka goditur Venezuelën që nga viti 1900 .

 Një burrë në Karakas thotë se i është dukur sikur “bota po lëvizte për një kohë të gjatë”, ndërsa Leander i tregon BBC-së se ka fjetur në rrugë pasi shtëpia e tij u dëmtua nga tërmetet.

Shërbimi Gjeologjik i SHBA-së thotë se mijëra njerëz mund të jenë vrarë gjithsej.

Tërmetet ishin ndër më të fuqishmit që kanë goditur Venezuelën në më shumë se 100 vjet, me lëkundje të ndjera në një zonë të gjerë.

Vonë të mërkurën, Rodriguez shpalli gjendje të jashtëzakonshme kombëtare pasi tërmetet goditën bregdetin verior të Karaibeve të vendit, duke shkaktuar dëme të mëdha dhe duke nxitur paralajmërime për cunami në të gjithë rajonin.

Shërbimi Gjeologjik i SHBA-së (USGS) vlerëson se ekziston një mundësi prej 42 për qind që numri i viktimave të jetë midis 10.000 dhe 100.000. La Guaira, pranë kryeqytetit Karakas, është shteti më i prekur nga tërmetet me magnitudë 7,2 dhe 7,5.