Një ngjarje e rëndë e ndodhur në Klaiforni ku një e mitur kreu vetëvrasje pas u abuzua nga babai i saj ka tronditur opinionin publik. Pervec kësaj, më tronditëse për banorët e Kalifornisë ka qënë fakti që babai, 41-vjeçari, Steven Vincent Chavez, i deklaruar fajtori për inçest me vajzen e tij u dënua për këtë vepër me vetëm një vit burg.
Sipas mediave, dënimi shkaktoi zemërim pasi u zbulua se do t'i lejonte Chavezit të shmangte burgun shtetëror dhe të vuante vetëm një vit në burgun e qarkut, të ndjekur nga tre vjet liri me kusht. Chavez pranoi se i kishte dhënë alkool vajzës së tij 18-vjeçare, Makalia Settles, në një takim familjar në korrik 2025, dy ditë pasi ajo u zhvendos në shtëpinë e tij.
"Chavez më pas pati marrëdhënie seksuale me të", thanë prokurorët, duke kërkuar dënimin maksimal, tre vjet, për akuzën e inçestit të rëndë në Kaliforni.
Gjykatësi i Qarkut Ventura, Dusty Kauai, argumentoi se nuk mund ta caktonte ligjërisht dënimin maksimal sepse Chavez nuk kishte të kaluar kriminale. 18-vjeçarja Makalia i dha fund jetës së saj pesë muaj pas incidentit me të atin, në dhjetor 2025.
"Chavez shfrytëzoi pozicionin e tij si baba, shkeli besimin e vajzës së tij, i furnizoi asaj alkool dhe u përfshi në sjellje kriminale që ndryshoi përgjithmonë rrjedhën e jetës së saj. Ndërsa e respektojmë vendimin e gjykatës, ne vazhdojmë të besojmë se një dënim me burg shtetëror ishte i justifikuar bazuar në faktet e këtij rasti.", u shpreh zëvendësprokurorja e Qarkut Tessa McCarthy pas dënimit të autorit.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Brenda katër ditëve numri i viktimave në Spanjë arrin në 212 nga vala e të nxehtit, temperatura rekord
Kostoja e luftërave të Izraelit që nga 7 tetori i afrohet 205 miliardë dollarëve
Rubio viziton Bahreinin duke kërkuar mbështetjen e Gjirit për marrëveshjen me Iranin 