Të paktën 12 persona kanë vdekur dhe tetë të tjerë janë plagosur pasi një zjarr shpërtheu në një azil pleqsh në Sri Lankën perëndimore, thanë autoritetet lokale.

Zjarri shpërtheu vonë natën e së mërkurës në një azil pleqsh në qytetin Anguruwatota, duke shkaktuar panik midis banorëve dhe stafit.

Zëdhënësi i policisë Fredrik Wutler tha se gjithsej 51 të moshuar u nxorën në mënyrë të sigurt nga ndërtesa gjatë operacionit të shpëtimit.

Të plagosurit u dërguan në spitalet e zonës për trajtim mjekësor, ndërsa autoritetet ende nuk kanë dhënë informacione të mëtejshme në lidhje me gjendjen e tyre shëndetësore

Pas incidentit, autoritetet policore vazhduan me arrestimin e drejtorit të azilit të pleqve, i cili po hetohet për vrasje të mundshme nga pakujdesia.

Autoritetet po shqyrtojnë rrethanat në të cilat shpërtheu zjarri, si dhe nëse masat e përcaktuara të sigurisë nga zjarri janë respektuar në objekt.

Hetimi është në kulmin e tij, ndërsa shërbimet kompetente po mbledhin prova për të përcaktuar shkaqet e sakta të tragjedisë.