Një segment i shkallëve të Kullës Eiffel shitet në ankand për një cmim marramëndës

Vepra? Vetëm 24 shkallë ngjyrë ndryshku, të rregulluara në spirale. Megjithatë, kjo pjesë e shkallëve u shit për 450 e 160 euro të enjten, më 21 maj, në një ankand të mbajtur nga shtëpia e ankandeve Artcurial. Nuk është çudi: këto 24 shkallë dikur përbënin pjesë të 1,665 shkallëve që ngjiten në Kullën Eiffel.

Seksioni nga Zonja e Hekurt, 2.75 metra i lartë, i përkiste shkallëve helikoidale që lidhnin katin e dytë dhe të tretë të kullës në kohën e përurimit të saj në vitin 1889. Gjatë punimeve të rinovimit në monument në vitin 1983, kur u instaluan ashensorë, shkallët u çmontuan dhe u prenë në 24 seksione.

Pak nga këto seksione "kanë mbetur në Francë dhe janë mbajtur nga blerësit e tyre origjinalë", sipas Artcurial.

Shfaqja në treg e kësaj vepre, nga një koleksion privat ku kishte kaluar 40 vjet, është aq e rrallë sa vlerësimi fillestar për 24 shkallët është vendosur në një çmim midis 120,000 dhe 150,000 eurove.

Edhe me një çmim përfundimtar prej 450,160 eurosh, kjo pjesë e shkallëve të Kullës Eiffel është ende shumë larg mbajtjes së rekordit. Në vitin 2016, një pjesë e ngjashme e nxjerrë në shitje nga shtëpia e ankandeve Sotheby's u shit për 523,800 euro.

Duhet thënë se, përtej mundësisë për t'u mburrur me zotërimin e një pjese të njërit prej simboleve të Parisit, kjo blerje e sjell gjithashtu koleksionin e tyre në rrethin shumë ekskluziv dhe prestigjioz të vendeve dhe koleksioneve që strehojnë një pjesë të shkallëve të Zonjës së Hekurt.

Seksione janë instaluar, ndër të tjera, në kopshtet e Fondacionit Yoishii në Yamanashi (Japoni), një tjetër pranë Statujës së Lirisë në Nju Jork dhe madje edhe në Disneyland.